Kryesia e Bashkësisë Islame të Kosovës mbajti mbledhjen e radhës

Prishtinë, më 13 maj 2026

Kryesia e Bashkësisë Islame të Kosovës, mbajti sot mbledhjen e radhës, të udhëhequr nga kryetari i saj, Myftiu Naim ef. Tërnava.

Gjatë kësaj mbledhje u diskutua për raportet e aktiviteteve të zhvilluara gjatë muajit Ramazan në Kosovë dhe në diasporë, si dhe anëtarët e Kryesisë u njohën me parapërgatitjet rreth organizimit të haxhit dhe therjes së kurbanit për këtë vit.

Po ashtu, gjatë mbledhjes u diskutuan edhe lëndë të ndryshme, që i përkasin kësaj Kryesie.