Bashkësia Islame e Republikës së Kosovës është institucioni i vetëm në vend që ka të drejtën e grumbullimit të të mirave materiale nga myslimanët, si dhe shpërndarjen e tyre sipas rregullave sheriatike.

Në fenë islame, zekati, sadakaja dhe sadakatul fitri, janë mjete të rëndësishme për ndihmën ndaj të varfërve dhe përmirësimin e shoqërisë. Tubimi i këtyre kërkon një organizim të kujdesshëm dhe të koordinuar. Kjo në mënyrë që të sigurohet se ato do t’u arrijnë atyre që kanë më së shumti nevojë. Ky proces është thelbësor për të përmbushur detyrat fetare dhe për të kontribuar në mirëqenien e myslimanëve.