Presidentja e Kosovës, znj. Vjosa Osmani shtroi iftar për Myftiun Tërnava
Prishtinë, më 19 mars 2026
Presidentja e Republikës së Kosovës, znj. Vjosa Osmani për nder të muajit Ramazan, shtroi mbrëmë iftar për kryetarin e Bashkësisë Islame të Kosovës, Myftiun Naim ef. Tërnava dhe delegacionin e tij.
Presidentja Osmani theksoi se zemërgjerësia që manifestohet këtë muaj është një kujtesë e fuqishme për rëndësinë e solidaritetit, të përulësisë dhe të përkushtimit ndaj njëri-tjetrit.
Më tej, presidentja shprehu falënderimin e saj të thellë për kontributin e vazhdueshëm të BIK-ut, në kultivimin e vlerave të paqes, tolerancës dhe mirëkuptimit ndërmjet qytetarëve tanë.
Nga ana e tij, Myftiu Tërnava, falënderoi presidenten për shtrimin e këtij iftari, duke potencuar kështu gatishmërinë e Bashkësisë Islame të Kosovës për të kontribuuar për mirëqenien e gjithë qytetarëve në vend.
