Myftiu Tërnava priti në takim një delegacion nga Shoqata “Joud” e Kuvajtit
Prishtinë, më 30 gusht 2025
Kryetari i Bashkësisë Islame të Kosovës, Myftiu Naim ef. Tërnava, ka pritur në takim një delegacion nga Shoqata “Joud” e Kuvajtit, të kryesuar nga dr. Rashid el Axhmi.
Gjatë këtij takimi u diskutua për bashkëpunimin e deritanishëm dhe për mundësinë e intensifikimit të tij në të ardhmen, në të mirë të qytetarëve dhe besimtarëve tanë.
Myftiu Tërnava shprehu mirënjohjen e tij për ndihmat e vazhdueshme që kjo shoqatë ka dhënë ndër vite, duke theksuar sidomos kontributin e fundit me ndërtimin e xhamisë në fshatin Negroc të Drenasit.
Në fund të takimit, Myftiu e falënderoi delegacionin për përkrahjen e tyre të çmuar dhe luti Zotin që t’i shpërblejë me të mira për punët e tyre bamirëse.
