Myftiu Tërnava priti në takim një delegacion nga organizata humanitare “Deniz Feneri” nga Turqia
Prishtinë, më 28 gusht 2025
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim një delegacion nga organizata humanitare “Deniz Feneri” nga Turqia, të kryesuar nga z. Ismail Selimi.
Myftiu Tërnava, fillimisht iu uroi mirëseardhje mysafirëve, e më pas i falënderoi ata për ndihmat e vazhdueshme që kanë dhënë dhe që po japin për Shoqatën Humanitare Bamirëse “Bereqeti” dhe për familjet nevojtare në Kosovë. Ai tha se tanimë organizata “Deniz Feneri” është një ndër mbështetësit kryesor të shoqatës “Bereqeti”, duke e cilësuar këtë partneritet si një model frymëzues të solidaritetit. Më pas, Myftiu Tërnava, i njohu mysafirët edhe me aktivitetin e shoqatës “Bereqeti” anekënd Kosovës.
Është me rëndësi të theksohet se “Deniz Feneri” prej vitesh është ndër mbështetësit kryesorë të shoqatës “Bereqeti”, teksa edhe gjatë kësaj vizite, delegacioni solli në Kosovë dy kontingjente të reja me pajisje elektrike, të cilat do t’u shpërndahen familjeve nevojtare, si dhe organizatave dhe OJQ-ve të ndryshme në vend.
