Myftiu Tërnava priti në takim imamin Sevgani ef. Asani
Prishtinë, më 3 prill 2026
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim imamin e xhamisë shqiptare “Bashkimi” në Nuremberg të Gjermanisë, Sevgani ef. Asanin, i cili shoqërohej nga bashkëpunëtorët e tij.
Gjatë këtij takimi u bisedua për bashkëpunimin e deritanishëm ndërmjet Bashkësisë Islame të Kosovës dhe xhamive shqiptare në diasporë, si dhe për mundësitë e thellimit të këtij bashkëpunimi, gjithnjë për të mirën e përbashkët të besimtarëve tanë në diasporë.
Myftiu Tërnava, falënderoi imamin Asani dhe nëpërmjet tij edhe gjithë imamët dhe kryetarët e qendrave dhe xhamive në diasporë për kultivimin e traditave fetare dhe kombëtare.
