Myftiu Tërnava priti në takim drejtorin e Përgjithshëm të Fondacionit të Dijanetit, z. Izani Turan
Prishtinë, më 26 gusht 2025
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim drejtorin e Përgjithshëm të Fondacionit të Dijanetit, z. Izani Turan, i cili shoqërohej edhe nga anëtari i Bordit Drejtues të Fondacionit, doc. dr. Fatih Kurt.
Myftiu Tërnava e falënderoi z. Turan dhe Fondacionin e Dijanetit për ndihmat e vazhdueshme që kanë dhënë për Kosovën, si dhe për bashkëpunimin e ngushtë që kanë zhvilluar me Bashkësinë Islame të Kosovës. Ai veçoi bashkëpunimin e theksuar me Shoqatën Humanitare “Bereqeti”, përmes së cilës janë realizuar projekte të shumta me rëndësi për qytetarët dhe besimtarët tanë.
Nga ana e tyre, përfaqësuesit e Fondacionit të Dijanetit shprehën mirënjohjen për pritjen dhe vlerësuan angazhimin e Bashkësisë Islame të Kosovës në shërbim të besimtarëve dhe shoqërisë në përgjithësi.
