Kryetari i Lidhjes Demokratike të Kosovës, z. Lumir Abdixhiku shtroi iftar për Myftiun Tërnava
Prishtinë, më 17 mars 2026
Kryetari i Lidhjes Demokratike të Kosovës, z. Lumir Abdixhiku, shtroi sonte iftar për Myftiun Tërnava dhe bashkëpunëtorët e tij.
Me këtë rast, kryetari Abdixhiku uroi të gjithë besimtarët që agjëruan, me shpresën që përkushtimi, sakrifica dhe lutjet e tyre të jenë pranuar nga Krijuesi.
“Muaji i Ramazanit mbetet një periudhë reflektimi dhe përforcimi të vlerave që na bashkojnë si shoqëri; solidaritetit, mirëkuptimit, tolerancës dhe respektit të ndërsjellë. Këto vlera mbeten themeli i bashkëjetesës sonë dhe garancia e një shoqërie të drejtë e harmonike” – tha ndër të tjera kryetari Abdixhiku.
Ai tha se qytetarët tanë kanë dëshmuar gjithmonë kulturë të lartë humane e vëllazërore, duke qëndruar pranë njëri-tjetrit dhe duke ndarë me ata që kanë më shumë nevojë.
Nga ana e tij, Myftiu Tërnava, falënderoi kryetarin Abdixhiku për shtrimin e këtij iftari, i cili tashmë është bërë tradicional.
